Axcancayotl, in teuctin, in pipiltin momatih in altepetl inaxca, in hueyi taltepeuh Mexihco. Yehuan momati hueliz quinamaca taltepeuh, ihuan ye oquinamacac miac tlalli, miac atoyatl, miac cuauhtlan. Ompa Veracruz, itech in Zongolica Tepeyotl, in tlatquihuahque ye oquicouhque ce atoyatzintli itoca Apatlahuaya, itech in Mixtla ihuan Texhuacan altepemeh. Ompa quichihuazque in tlatquihuahque ce Hidroeléctrica in quipopoloz cuahuitl ihuan yolcame, noihqui quicatzahuaz in atl. In altepecah in ompa chanequeh, ahmo huel coniz inon atl. Inon Hidroeléctrica iaxca ce tlatquihuac empresa itoca Wal Mart. In ihcuac inon Wal Mart tlatquihuacachihuaz, in macehualtzitzintin motolinizque ipampa aocmo quipiazque atl. Noihqui, ompa Zongolica Tepeyotl, itech in ce altepetl itoca Amatlan, in tlatquihuahque quinequih quichihuazque occe hidroeléctrica. Yehuan quinequih quiquixtizque in atoyatl ihuan quitlalizque ipan occe ohtli. In yancuic atoyatl nehnemizquia intzalan mictlampa ihuan tlachtli. Tla yehuan ihcon quichihuah, in cuahuitl huahquiz, ihuan in chanequeh moxexelozque. Yehce in teuctin quinpalehuiah in tlatquihuaqueh, ihuan quinequih quichihuazque inon ahmo cualli tlamantli.
Ompa Guerrero, miectin compañías huehcahuitz, quinequih quipopolozque in tepemeh, ipampa yehuan oquinamique teocuitlatl ompa. In tlacatzitzintin ompa chantiah, ahmo quinequih quinamacazque intlaltzin ipampa yehuan quimatih tlalli miac ipatiuh. Yehce nochtin teuctin, tlahtoqueh ihuan pipiltin quinequih quinamacazque inon tlalli.
Axcancayotl, nican hueyi altepetl Mexihco, ticpepenazque in yancuic centepachoani. Ahmo niyaz nicpepenaz ipampa ninomati nochtin pipiltin quichihuazque ahmo cualli tlamantli. Nochtin pipiltin tlatquihuaqueh, nochtin teuctin ihuan tlahtoqueh ticpiah nican Mexihco miac tlatquihuaqueh ihuan ahmo quinequih techpalehuizque timacehualtin. Tla ticnequih ticpatlazque inin hueyi altepetl, monequi timolochozque ihuan timocepanozque. Monequi ticchihuaz occe tlamantic tlahtocayotl, occe tlamantic pochtecayotl, occe tlamantic tlamachtiliztli, occe tlamantic tepahtiliztli. Monequi ticpalehuizque totlal. Auh, noihqui monequi tiquintlazazque inon ahmo cualli teuctin. Ipampaon, ahmo niyaz nicpepenaz in yancuic tlahtoani inin chicommetztli.
